Приближается время последних звонков. Сотни выпускников покинут свои школы.  У каждого из них своя дорога, свои мечты и задумки. Многое зависит от каждого из них, от желания постичь недосягаемое, от целеустремленности. Ведь профессий великое множество и каждая из них в почете.

Эксплуатация газового оборудования без ежегодного технического обслуживания создаёт угрозу безопасности потребителя и его окружения. Поставщик газа вправе приостановить газоснабжение, несмотря на своевременную оплату абонентами потреблённого газа, поскольку использование не прошедшего годовую проверку оборудования несёт потенциальную опасность. Возобновление подачи газа возможно только после заключения договора о техническом обслуживании внутридомового/внутриквартирного газового оборудования (ТО ВДГО/ВКГО) и оплаты понесённых расходов на отключение и подключение.

-Ӕнцад бадун куд нӕ зонис...- Мисост, Тархъани дзӕхӕрамӕ баингӕй, ӕ уайдзӕфи къаццеу бантъухта сӕрти.

-Магоса-мæгури хуасӕ,- Тӕрхъан ӕ хъӕзин ходи бунти рауозгалдта Мисостмӕ ӕмӕ, ӕ архайд фӕууадзгӕй, ӕ сунтӕ исӕргъувта.-Ӕрӕгиау багъар ӕнцӕ.

-Мадта мӕн ба ӕргубур кӕнун нӕ уадзунцӕ,- Мисост ӕ хӕлафи уӕгъдӕбаст ронӕбӕл исхуӕстӕй. -Мӕ цулухъти ма туххӕй ниббурун.

-Хускъӕ астӕугинӕй дӕ базудтон.

-Цитӕ лӕхорис?

-Лӕхоргӕ нӕ, фалӕ рӕститӕ дзорун.

-Мадта мӕ лӕхъуӕнӕй дӕр атӕ уӕзбун адтӕн?

-Уӕд дӕр неци, ӕма нур дӕр.

-Уобæл ба иннети рафæрсæ.

-Меʹнӕзунд Тӕрхъан. Кӕд кӕми фӕхъхъирди дӕ?

-Еунӕг гъазтизӕр дӕр ку некӕд райевгъудтон, уӕд цитӕ имисис?

-Гъо, кафунмӕ дӕ неке рамулдтайдӕ. Ӕндӕр ма естӕмӕ арӕхстӕ?

-Ӕма дӕмӕ е неци кӕсуй? Мӕнӕй еу изӕрмӕ ци хед рацӕуидӕ, уобӕл къада куройни фидтӕ къуӕре фӕззилдайуонцӕ.

-Дӕхе уомӕй ӕппӕлис?

-Мӕ азӕлгӕ гъӕлӕси уаг ба мин некӕд фегъустай?

-Зӕрди бунтӕй зарисӕ. Сцени артист ди рауадайдӕ.

-Еу фӕххуӕцӕг мӕбӕл ку фӕцайдӕ, уӕд-ӕгӕр еуи хузӕн!

-Неке фуд дин ӕй. Дӕ губуни уацайраг ку нӕ иссайсӕ, деʹвзонг бонтӕ кедӕрти къумти ци хуӕздӕр рахуӕрон ӕма раниуазонбӕл ку нӕ бакайдтайсӕ, уӕд ди ести лӕг ӕрсалдайдӕ.

-Фӕндур ди феронх ӕй?

-Ӕз дӕр дин уой кой кӕнун. Дӕ фӕндурдзагъд ку дони билӕй райгъусидӕ, ку -бӕласи аууонӕй, ку -нӕ коми сатӕгдӕр бунӕттӕй.

-Уомити ци фезонӕг бахуардтон, уони ма бӕргӕ ӕримисун. Раст мӕ били дӕнттӕ фемӕхсунцӕ... Исхъурмӕ ун...

-Зӕронд  хъӕдори мехау уоми ци схъел дӕ?- Тӕрхъан, Мисост бабӕй ӕ имисуйнӕгти уолӕнти ке бахаудтӕй, уой балӕдӕргӕй ин ӕрбахезӕнмӕ райамудта.- Медӕмӕ рацо.

-Кӕд  дӕ, зӕгъун, мӕнмӕ нӕ евдӕлуй, - Мисост мур-мур гӕнгӕ, Тӕрхъани уӕлгъос балӕудтӕй.- Татхатӕн къахис?.. Гъӕугӕ гъуддаг ӕримистай.

-Мӕн ӕримист бӕргӕ нӕʹй, -Тӕрхъан ӕ бели фий фӕлмӕн мӕри раниуарста.

-Мадта?

-Ӕрдзӕ уотӕ домуй... Уинис, сау мӕрӕ ӕ фӕтӕн реуӕй куд уолӕфуй, ӕ коми тулфӕ куд нивӕндуй? Ӕхемӕ нӕмӕ седуй. Рацотӕ, зӕгъуй, мӕ хортӕ, мӕ бӕмпӕг гъӕбесмӕ мин ести гагатӕ ӕргӕлдзетӕ, ӕма уӕ мӕ лӕвӕрттӕй бафсадон.

-Деʹфсес губунӕн аргъ нӕййес.

-Дӕ къӕсса ревӕд ӕй?

-Ка мин циʹрцӕттӕ кодта? Мӕ къелдзо ма, дзенети фӕббада, мӕ фарсмӕ ку уидӕ... Еунӕгӕй ба халонӕн дӕр зин цӕрӕн ӕй.

-Ӕз ба еунӕгӕй нӕ райзадтӕн? Мӕн къӕбӕргӕнӕг ба дӕу къелдзой фӕсте нӕ фӕннӕхстӕр ӕй?

-Нӕ дууӕ дӕр - седзӕртӕ.

-Уӕддӕр мин мӕ гъӕрзун ескӕд фегъустай?

-Ду ду дӕ, ӕз ба... Адӕмӕн сӕ бакаст куд фӕйнӕхузон ӕй, сӕ амӕндтӕ дӕр-гъе уотӕ.

-Амонд уӕларвӕй неʹрхауй, фал тохи будури райгуруй. Гӕр, гъе уой некӕд фегъустай?

-Ӕз ма уой дӕр фегъустон, ӕма, дан, адӕймагӕн ӕ райгурцӕй ӕ хъисмӕт ӕ тӕрнихбӕл финст фӕууй. Уомӕй, дан, ин рахезӕн некӕциʹрдӕмӕ ес. Цийфӕнди уайӕнти ку уайай, уӕддӕр хъисмӕтӕй некумӕ фӕлледздзӕнӕ.

-Хъисмӕтӕй хе римӕхсун нӕ гъӕуй, фал ин ӕ идонӕбӕл гъӕуама федар хуӕцай. Цӕмӕй дӕ тӕнти ма фӕххӕсса... Цӕмӕй, ӕрмахур бӕхау, дӕ коммӕ кӕса ӕма си боз уай.

-Нӕхемӕ хумӕтӕг дзубандитӕй ба куд лӕдӕргӕ дӕ?

-Вазуггинӕй си неци ес. Уӕртӕ кӕркдони алфамбулаймӕ бакӕсай. Ци си уинис?

-Гогузтӕ, бабузтӕ - берӕ, кӕркитӕ - никки фулдӕр.

-Да-а-алӕ ӕхсӕни кӕрон дӕр уинис?

-Уинун. Фусти тумбул къуар си зиннуй.

-Мадта мӕ доцгӕ гъог ӕма хъунадзин ба айсоми ӕргъаумӕ раскъардтон... Мӕ зӕнхи гӕбазӕ дӕр ӕнӕ гъудгондӕй некӕд байзадӕй.

-Хуцаумӕ дӕр гъолон миутӕ берӕ ес, -Мисост арф нийнӕфтӕй. -Ӕз ин алли бадти дӕр табугӕнгӕй, ӕ ном ку иссерун, мӕхе йбӕл ку бафӕдзӕхсун, ӕ кадгин ниуазӕнӕй тъинкк ку нӕбал ниууадзун, уӕд си ӕнӕ ʹргъудийӕй цӕмӕ изайун, еу хатт мӕмӕ ӕ медбилти цӕмӕннӕ баходуй, еʹнхуси хаййӕй мӕ еуварси цӕмӕ уадзуй?

-Э-э-э, Мисостджан, -Тӕрхъан Мисостмӕ ӕвзедуй. -Бӕргӕ базӕронд дӕ, фал дӕ сӕр ба еци ревӕдӕй байзадӕй... Не Сфӕлдесӕги дзӕгъӕли хумӕтӕги ӕфхуӕрис. Царди ауӕдзӕмӕ ӕхе ка гӕлдзуй, уони иронхуати некӕд уадзуй, ӕдзох сӕ уӕлгъоси лӕугӕй сӕмӕ ӕ усхъӕ даруй. Ӕдулитӕ ӕма магосатӕн ба ци ӕ бон ӕй? Сӕ бӕсти ӕхе байефтиндза?

-Е дин гъе! -Мисост цӕхгӕр фӕззилдӕй. -Ӕдулити нимӕдзӕмӕ бахаудтӕн?.. Дзӕбӕхӕй изайӕ!

-Барӕнай. -Тӕрхъан Мисости цонг райахӕста. -Ӕз дӕ зундцох ку нӕ хонун... Сӕри уорсагӕй дӕмӕ бӕргӕ неци лазӕ ес, фал... Цӕуӕн бал медӕмӕ, ӕма рӕфтад бахуӕрӕн...

-Гъе дин мӕ зӕрдӕмӕ цӕуй, -Мисост ӕрӕллау ӕй ӕма, Тӕрхъани ӕмусхъӕ къӕпхӕнтӕбӕл исхезгӕй, уати кӕдзосдзийнадӕбӕл ниддес ӕй.- Мадта мӕнмӕ ба, дӕ къах ӕдасӕй кӕми ӕрӕвӕрай, уӕхӕн стъӕлфӕ неʹссердзӕнӕ.

-Уомӕй дӕр бабӕй дӕхе ӕппӕлис? -Тӕрхъан Мисости фӕлмӕнбун къелабӕл ӕрбадун кодта ӕма ин ӕ фиййи буни рӕуӕг ӕртикъахуг фингӕ фӕррӕсагъта. -Кӕдзос ӕнӕнези рахуӕцӕн ӕй... Мӕ фонси бунтӕ дӕр ма цъилинӕй ку ниссӕрфун, уӕд мӕ уод дарун мӕ бон нӕбал ӕй? Мӕ фазӕбӕл бургӕй дӕр мӕхе ӕнӕ гъудгондӕй нӕ ниууадздзӕн. Еске мӕбӕл бахода? Ӕз уотитӕ ахур нӕ дӕн.

-Мӕнӕ ци берӕ алцитӕ уинун, -Мисост, Тӕрхъан ин ӕ размӕ ӕ циййес-биййесӕй замманай ӕвӕрӕнтӕ ӕрцурхгӕй, ӕ дустӕ арф батулдта.

-Мӕнмӕ ба, мистӕ ӕ хъӕстӕмӕ ци рауадза, уӕхӕнӕй дӕр неци ес.

-Гъе ма дӕ къох ӕрхӕссӕ, -Тӕрхъан Мисости комкоммӕ ӕ уӕзӕ ӕруагъта. - Зин нӕ бавзаргӕй бӕркад ӕнгӕрон неʹфсӕруй... Гъа,  фӕйнитӕ раниуазӕн.

-Арахъ дӕр дарис? -Мисост Тӕрхъани къохмӕ фӕллӕбурдта ӕма идзаг агувзӕбӕл ӕрхуӕстӕй.

-Нур седзӕрӕй райзадтӕн, зӕгъгӕ, уӕд гъӕуама мӕ хурфӕмӕ нийгъосон?  Цард цӕрунӕн ӕй... Еуӕй-еу фӕззелӕнти си "нанай цӕстисуг" дӕр бабӕззуй. Мӕхе уагъд арахъ ӕй. Фӕууинай си... Гъа, Устур Хуцауӕн табу уӕд, -Тӕрхъан ӕ агувзӕй исахуста.

-Гурдзиаг ниуӕзт ӕй ку ракодтай.

-Мӕнмӕ ма берӕ гъуддӕгтӕ ӕнгъӕл кӕсуй.

-Ӕз си сӕребарӕ дӕн... Фӕʹй ниуазун ӕд бунтӕй... Ух-х-х!.. Ци гъиккаг баʹй, ци!

-Дууӕ хатти ʹй раскъардтон.

-Нӕ дӕмӕ цудӕй?

-Бӕлӕгъи дон хуӕздӕр ӕй?

-Туппури хуасӕ... Уӕддӕр мин, минкъий раздӕр мӕ ӕдулити номхигъдмӕ ке нӕ бахастай, е ӕхцӕуӕн ӕй. Фал ма дӕ "фал" ци амонуй, уой ку фегъустайнӕ.

-Раниуазӕ, рахуӕрӕ, уӕдта дин ӕй зӕгъдзӕн... Нӕкӕси, ести фагӕ пенси есис?

-Цалдӕр боней хахъ мин исуй... Уобӕл ке фӕххуӕст дӕн, уомӕй дӕр-боз. Некӕд некӕми бакосгӕй мӕмӕ ӕгӕр дӕр ма ӕрхаудтӕй.

-Ӕ фӕффулдӕр ун дӕ нӕ фӕндуй?

-Ес гӕнӕнтӕ, фал ми ӕгӕр берӕ ӕхца агорунцӕ.

-Бакосӕ, ӕма син сӕ билтӕ райсӕрдӕ.

-Ахур цӕбӕл нӕ дӕн, уой кой ди ку неʹгъосинӕ.

-Мадта ӕцӕг седзӕри ном хӕссун ӕнцондӕр ӕй? Мӕнау еститӕʹзмӕлӕ, ӕма дӕмӕ уа.

-Дӕу раййафун? Зинтӕй. Уӕхӕн бунтӕ мӕ фуни дӕр нӕ фӕууиндзӕн.

-Ӕз дӕр сӕбӕл ӕмбони неʹрбадтæн. Пахсайӕй сӕ неʹрбахафтон... Мӕнӕ аци дӕрзӕг дууӕ къохи уинис? Ӕдухст уони фӕрци дӕн, мӕ ервӕзунгӕнгутӕ етӕʹнцӕ.

-Мӕнӕн дӕр ма нерӕнгӕ мӕхебӕл ӕнцӕ.

-Бӕргӕʹнцӕ, фал...

-Уӕддӕр бабӕй-"фал". Циуавӕри "фал" адтӕй е? Деʹвзагбӕл дин бунмӕ ку ниххуӕцуй, исӕзмӕлун ӕй ку нӕбал бауадзуй.

-Хъӕртдзинан еци "фал"-мӕ дӕр, -загъта Тӕрхъан ӕма, агъазиау бор голлаги ӕйкитӕ, цихт, хъаймагъӕй идзаг баллон, хускъӕ фиди кӕрдехтӕ, картофи, гъӕдиндзи фӕйнӕ къибилай ӕрцурхгӕй, ӕ медбилти байдзулдӕй.

-Дӕ листӕг хъур мӕмӕ кауи сӕрти куʹрбайвазтай, уӕд дӕ, ӕнгъӕлис нӕ балӕдӕрдтӕн?.. Хӕссӕ аци голлагӕ, ӕма ӕ медӕг циййес, етӕ дин хӕлар уӕнтӕ. Ӕрмӕст дин, игъосис, арахъ ба дӕ хӕццӕ еунӕг хупп дӕр нӕ дӕттун. Цӕмӕннӕ, уой дӕхуӕдӕг лӕдӕрис.

-Гъо,гъо... Дӕ хӕццӕ арази. Ревӕдӕй мӕ некӕд рарвистай, ӕма дин мӕ бӕсти Хуцау арфӕгӕнӕг фӕууӕд... Фал дӕмӕ абони ба дууӕ фӕндоней хӕццӕ ӕрбацудтӕн.

-Игъосун.

-Неʹмгъӕуккӕгтӕ нӕ дууӕ седзӕри нӕ хонунцӕ?

-Уотӕʹй.

-Гъема, зӕгъун, ӕз мӕ фадуӕттӕ куʹрбауӕйӕ кӕнинӕ. Циʹхца райсон, уонӕй ба дӕ бундорбӕл ести цех ку байгон кӕнинӕ.

-Дӕхуӕдӕг ба ци фӕууодзӕнӕ? Дӕ нивӕрзӕн кумӕ фӕххӕссуйнаг дӕ?

-Еу ӕмбӕрзти буни уаййанӕ.

-Дӕ фун дӕ фӕссайдта... Еумӕйаг сонгун дзиккай, дан, хецӕн сорсерӕ-адгиндӕр... Мӕ хӕрӕг ма бӕхӕй баййевдзӕн, ӕма уӕд мӕ гъуддӕгтӕ никки фӕххуӕздӕр уодзӕнцӕ.

-Берӕ мин фӕццӕрай! Ӕз еци бӕхбӕл саргъ ниввӕрдзӕн, сӕумӕй изӕрмӕ гъӕунгти разел-базел кӕндзӕн, ду ба нӕ еумӕйаг хӕдзарадӕн  разамунд  дӕтдзӕнӕ.

-Бӕх сӕнддадӕн неʹлхӕнуйнаг дӕн, фал саугустӕн...

-Мадта, зӕгъис, мӕ къӕсс ӕнӕ уӕйӕгондӕй байзадӕй?

-Фӕрнӕй си цӕрӕ.

-Мӕ фиццаг фӕндони халӕ не схаудтӕй. Дуккаги ма дин зӕгъон?

-Зӕгъай, кӕд ибӕл ӕхца нӕ федис, -Тӕрхъан, ӕ лимӕни зӕрди худтӕй тӕрсгӕй, лӕмбунӕг нийгъуста.

-Ци доги цӕрӕн, уой ӕстӕфис, -Мисост ивазгӕ гъӕлӕси уагӕй ӕ гъудитӕ нивӕндуй. - Дӕ фезмӕлдмӕ кӕсгӕй, беретӕн зундамонӕгӕн бӕззис. Дӕ алли фӕззилд дӕр - бунати, дӕ алли къахдзӕф дӕр - гъунтъуз, гъома, пайдайаг. Царв ӕма муди ӕвдулис.

-Хуӕрзимисӕ уай, муди биндзитӕ дӕр мӕмӕ хӕсдзӕф рӕстӕги фӕззиндӕй. Сӕ бунӕттӕ рагацау цӕттӕʹнцӕ.

-Ӕз ба цӕбӕл дзорун? Размӕ уинагӕ дӕ, федӕнбӕл гъудигӕнагӕ. Дӕ сомӕй туман райаразунмӕ - кӕсгон дӕснийӕй уайӕгойдӕр.

-Ӕз ци дӕн, уой амонун мин нӕ гъӕуй. Дӕ зӕгъуйнаг исрӕдовӕ!

-Гъема, зӕгъун, дӕу хузӕн бӕркадкъох адӕймӕгтӕ сӕхецӕй фуцъулуздӕртӕн лӕггадӕгӕнӕгӕй арӕх ниллӕуунцӕ.

-Меʹнхуси хай ескӕд ескӕмӕй баримахстон? Уой фудӕй мӕмӕ ескӕд ести бамбудӕй? Дӕ зӕрдӕ - деʹвдесӕн.

-Мади бӕдолау мӕбӕл ауодис... Кӕми балӕуун, уоми дӕу стаунӕй ку нӕ фӕллайун, уӕд мӕмӕ дӕ мӕстгун цӕстингас ци низдухтай?

-Дессаг мӕмӕ кӕсис.

-Ма дӕмӕ кӕсӕд дессаг. Мӕнӕн ӕмцеггӕнӕгӕй ку ниллӕууай, дестӕ дӕбӕл уӕд кӕндзӕнцӕ, дӕ кадӕ уӕларвтӕмӕ уӕд истӕхдзӕй.

-Ӕмцеггӕнӕгӕй?

-Гъо, спонсорӕй! Е ба дин мӕ дуккаг фӕндон.

-Зӕгъӕн, ӕз дин ӕмцеггӕнӕг исдӕн, уӕд ду ба ци мурхӕг уодзӕнӕ?

-Ӕз ба, ци бӕх балхӕнай, уобӕл дин федеуӕг уодзӕн. Гъома, ци тиллӕг, ци  бӕркӕдтӕ дӕмӕ уа, уони хабар дзиллӕмӕ хӕсдзӕнӕн. Ӕлхӕнгути дӕбӕл ӕнседдзӕн!

-Ӕгъа! -Тӕрхъан ӕ бунатӕй фӕссӕррӕтт ласта. -Ду ба ӕцӕг зунди къубус ку дӕ!.. Дӕ дуккаг фӕндон дӕр фӕггуз ӕй, фал...

-Еци "фал" ди нӕма феронх ӕй? Ку си багъигӕ дӕн...

-Дӕ "гъигитӕ" ба ди ӕз фӕссордзӕн! -Тӕрхъан цурд-цурдӕй фӕууайуй, ӕ фӕсте дуар игонӕй райзайгӕй, цӕлгӕнӕни кӕронӕй игъусуй:

-Неке ймӕ кӕсуй? Ӕмцеггӕнӕг ӕй ӕргъудӕй! Еʹнгулдзӕ дони нӕ ратолгӕй, гъӕуама хани цард кӕна! Ӕз дин дӕ ахур фехалдзӕн!

-Тӕрхъан, кӕмӕ ӕвзедис?! -Мисост ӕ лӕвӕртти голлагӕбӕл исхуӕстӕй. Кӕд ӕз ести фудгин дӕн, уӕд фӕлледзун!

-Аци хатт ба ми уотемӕй нӕбал райервӕздзӕнӕ! -Тӕрхъан, циргъфий бел, сагойнӕ, цӕвӕг ӕма ӕхснеуӕнбӕл тумбул хуӕст кӕнгӕй, уайтагъд фӕффӕстӕмӕʹй. -Ӕмцеггӕнӕг агорис?!

-Арази дӕ?

-Арази дӕр уотид нӕ, фал ӕнхӕрсӕггаги хӕццӕ! Гъа, дӕу  уӕнтӕ!

-Дӕ косӕнгӕрзтӕ мӕн аккаг нӕʹнцӕ... Нӕ сӕбӕл базондзӕн... Ести фидбилизи мӕ багӕлдздзӕнцӕ... Ӕма уӕд дууӕ седзӕремӕй ӕцӕг седзӕрӕй нӕ райзайдзӕнӕ?

-Ду мӕнӕн мӕ гъостӕ маʹхснӕ, фал дӕ магосай роли гъазун феронх уо! Ӕрдзӕ райгъал ӕй, ӕма деʹуӕнгтӕ райвазӕ! Цалинмӕ ди ӕцӕг фахъӕра нӕма рауадӕй, уӕдмӕ дӕхебӕл исхуӕцӕ! Дӕ синхонти бафӕнзӕ! Дӕ  ӕндзуг астӕумагъз базмӕлӕд!

-Сансала бахуардтай? -Мисост, Тӕрхъан ин ӕ мийгӕнӕнтӕ ӕ дӕлмус тъунсгӕй, игон гъӕлӕсӕй лӕууй.

-Дӕ голлаги комбал хуӕцӕ! -Тӕрхъан Мисости рагъмӕ исрӕгъувта ӕ лӕвӕрттӕ. -Цо, ӕма дӕ ӕндӕкъӕс куд некӕдбӕл фӕууинон, уобӕл байархайа! Дӕ дзӕхӕрамӕ базелӕ, тауйнӕгтӕ, аразуйнӕгтӕ ба дин - мӕнбӕл!

Икъати Авдул

В ходе межведомственной профилактической акции «Безопасное детство» были посещены семьи, находящиеся в социально опасном положении.