Уважаемые сотрудники ОМВД России по Ирафскому району, дорогие ветераны! Примите искренние поздравления с Днем сотрудника органов внутренних дел Российской Федерации!

Борьба с преступностью - дело смелых и решительных, сильных телом и духом, самоотверженных людей. Вы выполняете важную и ответственную миссию, стоите на защите правопорядка. От вашего профессионализма и решительности во многом зависит спокойствие наших граждан. Ответственность и бдительность личного состава является гарантией достойного выполнения поставленных перед службой задач.

Чувствовать чужую боль – не каждому дано, а вовремя откликнуться и профессионально оказать помощь – это уже умение, которым в совершенстве владеете именно вы, сотрудники полиции Ирафского района. Выражаю огромную благодарность и признательность вашим родным и близким, которые наравне с вами испытывают все тяготы полицейской службы. От всего сердца поздравляю ветеранов, которые являются хранителями лучших традиций и с удовольствием делятся своей мудростью и опытом!

Пусть энергия, высокий профессионализм, уверенность в своих силах и оперативная удача будут вашими постоянными спутниками в трудной и благородной службе во имя процветания нашего Отечества! Доброго здоровья и благополучия вам, процветания и профессионального роста, добра и мирного неба над нашим общим домом.

Глава АМС Ирафского района Омар Лагкуев.

Уважаемые сотрудники ОМВД России по Ирафскому району, дорогие ветераны! Примите искренние поздравления с Днем сотрудника органов внутренних дел Российской Федерации!

Исторические корни становления правоохранительных органов уходят в далекое прошлое. Менялись функции, структура, виды деятельности и названия ведомства. Неизменным оставалось главное – защита общества от преступников, обеспечение правопорядка.

Ваш героический труд – это гарантия спокойствия и безопасности граждан, одна из важнейших основ нашего государства. На вас лежит ответственность за сохранение законности, именно к вам – сотрудникам органов внутренних дел обращаются жители Ирафского района за помощью в трудную минуту. Для вас честь, справедливость и мужество – не просто красивые слова, а дело всей жизни. Вы несете службу днем и ночью, в будни и праздники, выполняете свои обязанности, не считаясь с личным временем.

Благодарен вам за нелегкий, но такой необходимый, труд! Пусть ваша жизнь будет наполнена радостными событиями, а деятельность отмечена признанием и уважением людей. Желаю вам здоровья, благополучия вашим семьям и удачи в делах!

Глава муниципального образования Ирафский район Казбек Гуцунаев.

 

Аййев, рæсог, гъæздуг æма зæлланггæнгæ дигорон æвзагбæл дессаги поэтикон шедевртæ ка ниффинста æма финсуй, уæхæн исфæлдистадон косгутæ нæмæ Хуцауи фæндæй адтæй æма ес, кæд берæ нæ, уæддæр. Уонæй еу æй, нæ сæр бæрзæндти кæмæй хæссæн, поэт, прозаик, публицист, журналист, Хидирти Батæрбеги фурт Ехъя.  Ке зæгъун æй гъæуй, Ехъяйæн поэзий тумугъи бантæстæй æцæг исфæлдистади æнæкæрон бундортæ басгарун. Æнæмæнгæ, парахат æй Ехъяйæн æ поэтикон диапазон: æнкъард, трагикон мотивтæ, царди нисанеуæгбæл уæззау сагъæстæ, исфæлдистадон косæги уодхайраг дузæрдуг, хуæрзаййев ходæнбилæ заргутæ уарзондзийнадæбæл. Æ исфæлдистадон бундор – ниффинста авд поэми, сæдæй фулдæр æмдзæвгитæ, радзурдтæ, очерктæ, кæцитæ неке уадзунцæ æвæлмастæй. Æ финститæ рацудæнцæ æртæ киунугемæй: «Адæми фарнæ», «Есе» æма «Уазай буни».

Хидирти Батæрбег æма Зурмæхани фурт Ехъя райгурдæй 1934 анзи 1 июли Лескени гъæуи. Æртæ анзи ибæл ку исæнхæст æй, уæд æ фидæ Батæрбек æверхъау мард ракодта, еци рæстæги НКВД-и косгутæ æрбацæуиуонцæ, æма ке æ кустæй, ке æ бийнонти æхсæнæй ракæнионцæ. Цубур рæстæгмæ ке маргæ ракæнионцæ, ка хасти фæууидæ ма æ кой, æ гъæр дæр нæбал исигъусидæ. Еци исæфтитæй адтæй Хидирти Батæрбек дæр, кæци æдеугурæй рацардæй æртиндæс æма инсæй анзи.

Уотемæй Зурмæхан байзадæй седзæргæсæй æхсæз сувæллоней хæццæ. Æ бон куд адтæй, уотæ сæ исбайлæгъ кодта, ахурдзийнадæ син равардта, царди тонхи сæ рауагъта. Уонæй сæ еу адтæй, ке туххæй æрæмбурд æнцæ еци бон, етæ.

Ехъя адтæй зæрдæргъæвд сувæллон, райони хуæздæр ка ахур кодта, уонæй еу. Скъола каст ку фæцæй, уæд республики фæлварæнти фæууæлахез уогæй, бацудæй Мæскуй Ломоносови номбæл университетмæ. Уой дæр каст фæцæй хъæбæр хуарз бæрæггæнæнти хæццæ. Ку исæздахтæй æ райгурæн зæнхæмæ, уæд косун райдæдта Хуæнхон-металлургон институтти газетти редакторæй. Ехъя куста Ирæфи æма Дигори райони фæскомцæдеси райкомти 2 -аг секретарæй, райони культури хаййади, скъолати.

Ехъяйæн æ зæрдæ ристæй, æгæрон уарзтæй ци маддæлон æвзаг уарзта, йе æлхъивд ке цудæй, уой фæдбæл. Æма ибæл æ царди медæги хуæздæр хуарз ци æрцудæй, зæгъгæ, уæд йе адтæй дигорон æвзагбæл рацæуæг республикон журнал «Ирæф» æма республикон газет «Дигорæ». «Нур ба ку рамæлон, уæддæр Хуцауæй арази. Æгайти ма, мæ цæстæй кæсгæй, райдæдтонцæ цæун журнал «Ирæф» æма газет «Дигорæ» нæ маддæлон æвзагбæл», - дзурдта Ехъя. «Дигорæ» газетти æ фиццаг рауагъдтитæй 1999 анзмæ куста бæрнон редакторæй.

Арæх æ финстæгутæ æрвиста нæ райони газетмæ дæр мухурмæ. Æма ин сæмæ газеткæсгутæ дæр æнгъæлмæ кастæнцæ. Куд загътан, уотæ устур аргъ кодта маддæлон æвзагæн, ма финсгæ дæр уобæл кодта. 

Хидирти Ехъя адтæй æ адæми патриот, кæци ирæзгæ фæлтæри разæнгард кодта райгурæн бæстæ уарзунмæ, дигорон æвзаг æма поэттæн, финсгутæн аргъ кæнунмæ, уомæн æма нин етæ æфтаунцæ царди аллихузи фæззелæнтæн аккаг аргъ кæнунбæл. Фæндуй нæ, Ехъяйæн йе нæмæлгæ ном æгас Иристони адæмти зæрдити дæр куд лæууа, йе мдзæвгитæн ин куд аргъ кæнонцæ, æ царди хабæрттæ ин куд зононцæ, нæ Иристони зæнхæбæл ба Ехъяй хузæн кадгин лæгтæ фулдæр куд уа. Æ райгурæн гъæу Лескени киунугæдонæ хæссуй Хидири - фурти ном.

Ехъяйæн æ хор раги ранигулдæй, фал æ поэзи байзадæй æгæстæн, куд арви айдæнæ, куд хори тунæ, кæци нæ ахур кæнуй адæймаги ном бæрзонд хæссунбæл. Мах ба уæ зонгæ кæнæн æ исфæлдистади хæццæ.

БАБОЧИТИ Э.

 

Хидирти Ехъя

 

Мади уарзт

Хæфсæмæ дæр æ бæдолæ

Хори тунæ, дан, кæсуй,

Мадæмæ дæр æ хъæболæ,-

Цъифи дæр ин æй нивдолæ,-

Цидæр хори гъар хæссуй.

 

Сувæллонæй æй æ рони

Радав-бадав фæккæнуй.

Ку ин бахауй зин бони,

Уæд уой азарæй æмбони

Сах æ хурфи никкæуй.

 

Æ хъæболи исбаргъоммæ

Берæ æнзти фæббæллуй.

Ку ин рандæ уй изолмæ,

Уæд фенкъарддæр уй комкоммæ,

Æрхунæй ибæл мæлуй.

Æ хъæболæ царди тонхи

Ку рацæуй æд æгъдау,

Нæ фæуунцæ уæд иронхи

Æ зин бæнттæ царди тонхи

’Ма ходуй гъе уæд хорау.

Æ хъæболæ цардивæрди

Ку рæдуйа еудадзуг,

Тæхсгæ фудтæ, сæдæ марди

Æрфестæг уй уæд æ царди,

’Ма хуæруй æй цæстисуг.

 

Мади уарзтæн ци’й æ цори

Е цъæх денгиз, е цъæх арв?

Ци’й æ цори зæнхи къори,

Кæд æма молуй зинг хори

Æ уарзтæй тавгæй, йе мах?

 

ӔРХӔН

 

Минкъий уогӕй, тугъди бӕнтти

Мӕ рагъӕй ласинӕ сог;

Бӕгъӕнвадӕй нӕ тар гъӕдти

Седзӕрау уинӕ ӕстонг.

Салд къотӕрбӕл тӕхгӕцъеутӕ

Бадиуонцӕ мӕ уӕлгъос;

Къахдзонӕгътӕбӕл биццеутӕ

Гурионцӕ мӕ фалдзос.

Фӕндӕуидӕ мӕ сӕ хӕццӕ

И бӕрзонд къолтӕй гурун.

Фал нӕ уидӕ мин уой бӕрцӕ

Евдӕлон рӕстӕг ӕппун.

Минкъий уогӕй тугъди бӕнтти

Ке нӕ байдзулдтӕн меʹфсес,

Уомӕ гӕсгӕ син меʹрхӕнти

Иронхгӕнӕн некӕд ес!

 

 

ЕʹСТУР ЗИНТӔЙ ӔЙ ФӔЛЛАД

 

Нӕ синхонти зӕронд уосӕ

Еʹстур зинтӕй ӕй фӕллад,

Ӕ кӕун цӕуй мӕ гъосмӕ

Сӕ дзатматӕй фур ӕнкъард:

«Сау сасуки ӕнгон тугъдӕй

Куд нӕ калон цӕстисуг,

Фидибӕсти Устур тугъди

Ку никкалдӕй мӕ мӕсуг!

Куʹсӕмбалдӕй цъӕх-сурх зингӕй

Мӕ лӕги зӕрди си фат,

Нӕ тӕрвазбун ку нийизгӕй

Ӕхе къохтӕй худ цӕфхат.

Мӕ фуртӕн мин ӕхе мӕрдӕй

Ку бауазал ӕй мӕ арт,

Меʹнсувӕртӕн сӕ фӕсмӕрдӕ

Ку бабун ӕй мӕ цӕгат».

Нӕ синхонти зӕронд уосӕ

Ӕ зинтӕй уогӕй фӕллад,

Гъе уотӕ кӕуй ӕноси

Сӕ дзатмабӕл фур ӕнкъард.

 ФӔНДАГ

 

Мӕ Фидибӕстӕ Кавкази

Ӕй алцӕмӕйдӕр зӕрдгин.

Дууехгонд ке 'й нур мин анзи,

Еунӕг е кодта мин зин.

 

Фӕддууӕ 'й кодта зин равги

Нӕ историй зелгӕ цалх,

'Ма уой бӕллахӕй фӕндаги

Бакъуӕрдта хонхбӕл ӕ къах.

 

Ралух ӕй кодта цӕхгӕрмӕ

Ӕхсӕнгоренау нӕ хонх,

Кӕрӕдземӕн уӕд уой сӕрти

Куд истайанӕ нӕ къох.

 

Нӕ фиддӕлтӕ йбӕл сӕ доги

Бӕргӕ къӕртт кодтонцӕ над,

Фал февдулгӕй сӕ сау тоги

Никкалдтонцӕ йбӕл сӕ цард.

 

Фӕдзахста си еу гъе уотӕ:

"Мӕ мардбӕл дӕр ма никкотӕ,

Циртдзӕвӕн мин ма ниссагътӕ,

Над кӕнун ба ма ниууагъта".

 

Инней уойсиат уотӕ зонун:

"Кордзӕнӕн уи мӕ сигитмӕ,

Над ку 'сцӕттӕ уа, ка й зонуй,

Ним-мӕмӕй гъӕр кӕнтӕ циртмӕ".

 

Бацудӕнцӕ йбӕл мӕрдтӕмӕ,

Зӕрдӕдзоргӕй, зӕрдристӕй,

Ку кастӕй син сӕ нӕдтӕмӕ,

Сӕ догӕ ба фудцӕстӕй!

 

Уӕрӕсей паддзах сауӕнгӕ

Фӕййиста уонӕй хъалон,

Фал не 'руагъта ӕхе уӕнгӕ,

Сӕ нӕдти кой и руймон.

 

Тох кодтонцӕ гурдзиаг кънйӕзтӕ,

И нади нихмӕ ӕдзох,

Ку 'сеу адтайдӕ нӕ бӕстӕ,

Ревӕд кодта уӕд сӕ къох.

 

Сӕ медбӕстӕ син се 'лдӕрттӕ

Сӕ хъаури 'сеуӕй тӕрсгӕй

Сӕ коййӕй дӕр ӕхсӕн нӕдтӕн

Мӕлгӕ кодтонцӕ мӕстӕй.

 

Не 'фхуӕрд адӕмбӕл сӕ нети

Нӕ разиндтӕй фӕххуӕцӕг,

Къахнадбӕл салдӕнцӕ мети,

Уалӕ ме 'вдесӕн ӕфцӕг.

 

Ниссӕбӕл котӕ, фӕсевӕд,

Сӕ дуйне сӕбӕл фӕцӕй

Над не 'скӕнгӕй. Сӕ тӕрегъӕд

Се 'фхӕргути фӕцӕй!

 

Ӕгайтима син раст адӕм

Райстонцӕ уӕддӕр сӕ тог, -

Бундор садзгӕй нӕуӕг цардӕн

Ниццагътонцӕ син се 'рдог.

 

Ниллӕугӕй нур раст фӕндагбӕл

Нӕ историй зелгӕ цалх,

Ӕгайтима ӕ фӕндагбӕл

Ниллӕцъ ӕнцӕ 'лдар, паддзах.

 

Иссӕребар ӕй Фӕскавказ

Не 'фхуӕрд Хонсар Иристон!

Не 'ннӕ Иристон цӕгатварс

Ӕй республикӕ 'хсицгон!

 

Некӕмӕй фӕууӕн фӕдеси

Фӕстагдӕр ӕма дӕлдӕр,

Не стур Советон Цӕдеси

Ан адӕмти 'хсӕн ӕмсӕр.

 

Фестадӕй не 'хсӕн ӕносмӕ

Астӕуцӕгиндзӕ нӕ хонх,

Кӕрӕдземӕ йбӕл не сонмӕ

Над кӕнун ба нӕ ан иронх.

 

Ба ин къӕртт кодтан ӕ хурфи

Ӕ бӕрӕг астӕу тъунел,

Фал не 'вдулуй тоги пурфи,

Кӕддӕрау нӕ къох, нӕ бел.

 

Ес нин Мæскуйӕй, Кавказӕй

Ӕнхос кӕнунмӕ стур зеу,

Уобӕл мӕлӕн нӕ фурцийнӕй,

Иристон ке суодзӕй еу!

 

1984 анз.