Александр райгурдӕй Стур - Дигори гъӕуи, Хайманти Габиц ӕма Салӕгати Дӕхгӕни устур бийнонти. Хæдзаронтӕ адтӕнцӕ косагӕ ма лимӕн, удта, ке зӕгъун ӕй гъӕуй, ӕгъдаугин, ма Александр еци ӕгъдӕуттӕ ма фӕткитӕ нӕ нийхалдта рӕстӕгути фӕсте дӕр. Ӕхецӕн цардӕмбалӕн байагурдта æхсӕуккаг Телӕхъурти Танзори кизгӕ Зареми. Хуцау син балӕвар кодта дууӕ кизги ма цуппар лӕхъуӕни. Сæ сувӕллӕнттӕ Александр ма Зарема исхастонцӕ намус ма фарни хӕццӕ, сӕ тоги син бауагътонцӕ ӕгъдау ма кӕдӕ. 

 

Александр ӕй косагӕ лӕг, фонс даруй, хуасӕ кӕрдуй, есӕнттӕ бӕттуй, ӕ кӕстӕртӕ дӕр искодта кустахур. Дӕсни ӕй гъӕди куст кӕнунмӕ, ӕхе къохтӕй амайуй пахсатӕ, гӕркъатӕ, сабӕрнатӕ, хӕрӕги кенӕ бӕхи сӕргътӕ, ӕлхуйнитӕ.  Æгас Дигоргоми аци нæлгоймаг фарни миутӕ кӕнуй ӕнӕзийнадӕй. Ахид ӕй агорунцӕ минӕвар цӕмӕй фӕццӕуа иннӕ муггагмӕ, федауӕг, финги хестӕрӕн цийнæ е зини хабари, зианбӕл дзорунмӕ дӕр. Кӕстӕр фӕлтӕрӕн фӕззӕгъуй сӕ рӕдуд, зунд син амонуй, ӕхецӕй хестӕртӕн ба ӕгъдау дӕттуй. 

Иннӕ уӕхӕн - Заремӕ, кӕци ӕрбахаста Хайманти муггагмӕ стур фарнӕ. Заремӕ ӕй берекеткъох силгоймаг, уарзуй ӕгъдау дӕттун муггаги, удта гъӕуи медӕгæ дӕр. Зиани, цийни ӕ хъауритӕбӕл нӕ ауӕрдуй. Берӕ ӕнзти медӕгæ æнæзийнадæй фӕлӕггадӕ кодта æ хецау ма ӕфсийнӕн, ма ӕ хуарздзийнӕдтӕ Хуцаумӕ иронх ма уӕнтӕ, дувӕрӕй ин сӕ бафедӕнтӕ ӕ кӕстӕртӕ. Заремӕмӕ ес берӕ хъаурӕ, кӕд уотӕ рацӕргӕ силгоймаг нӕй, уӕддӕр. Сӕ кӕстӕртӕ син хӕссунцӕ сӕ фарнӕ, ма абони кӕрӕдзей фарнӕй цӕрунгъон æнцæ нæ Иристони.

Гъулæггагæн, абони Александр (хузисти) нӕфӕразгитӕ ракӕнуй, ма ин мӕ зӕрдӕ зӕгъуй ӕнӕнездзийнадӕ берӕ ӕнзти ма. Стур- Дигорӕ ба фӕрнгун уӕд кӕддӕриддӕр ауӕхӕн дӕнцӕни бийнонтӕй. 

Сакъити Миленӕ, 

ЦИПУ - й журналистики 

факультети студенткӕ.