Иристони фӕрнуг адӕм, Уӕ уораза хъабил уӕд! Уӕд бунати уӕ лӕггадӕ, Нимади уин ӕрцӕуӕд! Ком ниббӕттун ке бон не ’ссӕй, Нӕфӕразгӕй, ӕндӕрӕй, Гъе уонӕн дӕр Не ’сфӕлдесӕг Ниххатир кӕнӕд Сӕрӕй. Нӕ мӕзгитӕй сӕумӕ раги Куд рӕсугъд цӕуй Азан!- Еумӕйагӕй, зӕрдиуагӕй Мах уордӕмӕ нирраст ан. Еунӕг Хуцауӕй арази, Ӕмбӕлттӕ ин нӕ кӕнӕн,- Тумугъ ралӕугӕй намази, Ӕ зӕрдӕ ин ӕлхӕнӕн. Нӕ ’й ӕфсапӕ сайӕн дзурди, Ести раттун хуӕздӕр ӕй,- Барӕвдауӕн нӕ мӕгурти Садахъа ’ма битирӕй! Ес нӕ гъӕуи ӕнкъард рауӕн, Бӕрӕггӕнгӕ нин ӕй е,- Нӕ мӕрдтӕбӕл исаргъауӕн, Рохсдӕр куд уа сӕ дуйне… Кадӕр райста Иристони Мӕхӕмӕти дин-Ислам, Еци адӕми абони Уӕд Хуцауи хуарз салам! …Уӕд бунати уӕ лӕггадӕ, Нимади уин ӕрцӕуӕд… О, Алантӕ-фӕрнуг адӕм, Уӕ уораза хъабил уӕд!