Дон æвдадзихуасæ æй, фæззæгъионцæ нæ хестæртæ. Ма йе, æдæуагæ, уотæй. Дон æй цæрæгойти дуйней ахсгиагдæр фæрæзнæ. Уомæй цæуй, уодгоймаг цидæр ес зæнхæбæл, уони цард. Æ райгурцæй фæстæмæ адæймаги бон æнæ дон нæй. Уомæ гæсгæ алли адæймаги дæр гъæуй хуæрзгъæдæ, кæдзос рæсог дон.

Нæ райони цæргутæ цæмæй гъæуагæ маæййафонцæ фиццагидæр ниуазунидон и, уобæл хъæбæр зæрдиагæй косунцæ Ирæфи муниципалон райони донуадзæн хæтæлти кустгæнгутæ. Уомæй рахезгæй алли адæймаги дæр дон гъæуй кæдзосдзийнадифæдбæлдæр.

Уомæн дæнцæгтæ берæ ес. Алли гъæуи дæр а фæстаг рæстæги активон архайд цæуй дон æнæкъулумпийæй алли хæдзарæмæ дæр куд цæуа, уобæл. Уомæн æвдесæн æнцæ Лескени гъæуи цæргутæ дæр.

Куд зонæн, уотемæй аци гъæудони фарстай алкæддæр æййафта къулумпидзийнæдтæ. Æ мизези ин нæ ирдтонцæ. Еу мæйæ мА æрдæги размæ ибæл бæстон лæмбунæг куст кæнун райдæдтонцæ Ирæфи райони дони хæтæлтæ æййевæн æм цалцæг гæнæн кустуати косгутæ, сæ сæргълæууæг Цорити Руслан Тайморази фурт. Руслан кæд æригон æй, уæддæр æ кустбæл зæрдæй архайуй, æ дæлбар ци адæм ес, уони дæр разæнгард кæнуй, сæ куст æнæ къулумпи куд цæуа, уомæ дæр æ цæстæ даруй.

Уой цæмæ гæсгæ зæгъун. Куд уа, циуа куститæбæл нæ фæууагътонцæ гъуддаг. Еу километри бæрцæ рауагътонцæ уæлæмхасæн 110 диаметр хæтæл. Гъæди медæгæ ба 150 метри бæрцæ уагъд æрцудæй 150 диаметр хæтæл. Уой уæлæмхасæн, 3 метрибæрцæбунмæ 500 – 600 метри бæрцæ никъкъахтонцæ, цалдæнгæмæ нæ иссердтонцæ къулумпидзийнадæн æ ратæдзæн. Йе разиндтæй бæласи едæгти фуд, кæцитæ байрæзтæнцæ еу рауæн донцæуæн хæтæли хурфæмæ æма ниллæгкодтонцæ дони æлхъивдадæ.

Зæрдиуагæй фæхъиамæт кодтонцæ Лескени гъæуи дон æнæкъулумпийæй цæун куд райдайа, уобæл 2 бригади косгутæдæр, электрик, сварщик æма техникæ, кæций фæззинд аци кустуати косгутæн дзæвгарæ фæррæуæгдæр кодта сæ архайд.

Лескеницæргутæ, сæ гъæуи сæргълæууæг Бетрозти Вячеслав сæ разæй, уотемæй хъæбæр арфæ кæнунцæ ГУП РВПП æма сæрмагондæй Ирæфи райони æгас водоканали косгутæн, сæ сæргълæууæг ЦоритиРусланæн.

«Аци адæми фæрци нæмæ кæдæй-уæдæй дони фарста лухгонд æрцудæй. Гъæу цæргутæй беретæ æвзурстонцæ сæуодтæбæл аци къулумпидзийнæдтæ. Нур алкæмæдæр дони æлхъивдадæ куд гъæуамауа, уотемæй. Йе æхцæуæндзийнадæ æй æма хæссуй æнцондзийнадæ адæмæн. Хуцау си исарази уæд, кадæр бахъиамæткодта аци гъуддагбæл, уонæй. Арфиаг уæнтæ алкæддæр сæ хæдзæрттæ. Хуцауи хуæрзтæй хайгин уæнтæ» - зæгъуй Вячеслав.

Бабочити Э.