Уӕхе гъӕуай кӕнтӕ

 

    Клещ – уруссагау уотӕ хуннуй, арӕх телеуинунади дӕр ӕма аллихузон мухури фӕрӕзнити нуртӕгки ци листӕг зӕранхӕссӕг цӕрӕгоййи фӕххуӕсти туххӕй дзурд цӕуй, хе си багъӕуай кӕнуни туххӕй, е. Нӕхемӕ дигоронау ба ӕй хонӕн – гӕбу.

   Цӕмӕй тӕссаг ӕй гӕбу? – бафӕрсдзӕнӕнцӕ беретӕ уонӕй, уингӕ дӕр ӕй ка некӕд фӕккодта, цӕмӕдӕргӕсгӕ ба ӕй ка нимайуй цидӕр неци листӕг цӕрӕгойбӕл. Фал, ахургӕндтӕ куд исбӕрӕг кодтонцӕ, уотемӕй гӕбу ӕй хъӕбӕр карз незти (хъириймаг геморагион резӕнгӕ, гӕбути энцефалит) «вирус» хӕссӕг. Хуӕцгӕ нӕ фӕккӕнгӕй дӕр мард ку ӕрцӕуа, уӕддӕр тӕссаг ӕй адӕймагӕн «вирус» ниййахӕссунӕй.

    Нези менеугутӕ. Хъириймаг геморагион резӕнгӕ райдайуй бауӕри фидти, гъолти рист ӕма адӕймаги тӕвдӕдзийнадӕ бӕрӕггӕнӕн 40 градусей уӕнгӕ исхизтӕй. Бауӕр рафадуй, гӕнӕн ес ӕма тог дӕр рацӕуй. Вирусон энцефалит райдаиуй хъӕбӕр бӕрзонд бауӕри тӕвдӕ ӕма сӕри ристӕй, иуӕнгти «ӕркалдӕй», зӕрдӕ хӕссун ӕма уомунӕй. Тӕссаг фӕууй «менингит» расайунӕй.

   Куд ӕнгъезуй гӕбуйӕй хе багъӕуай кӕнун?   Хумӕтӕги гъуддӕгтӕй, кӕцити кӕнун гъӕуй ӕрдзи уогӕй:

   - Уӕхебӕл кӕнтӕ бауӕрбӕл ӕнгом ка бада, уӕхӕн хъӕппӕлтӕ;

   - Не ʹнгъезуй кӕрдӕгбӕл бадун, кенӕ хъан кӕнун. Гӕбу ниффедар уй хъӕппӕлбӕл, уӕдта ниххуӕцуй бауӕрбӕл.

   - Пайда кӕнтӕ гӕбу тӕрсун кӕнӕн бауӕргъӕдтӕй (репеленттӕ), кӕцити ӕнгъезуй балхӕнун аптеки, кенӕ устур тукӕнтти.

    - Рӕстӕгӕй-рӕстӕгмӕ ӕркӕсиайтӕ уӕхемӕ, кенӕ басгариайтӕ уе ʹмбӕлдти хӕццӕ уӕ кӕрӕдзей хъӕппӕлтӕ, гӕбу си ес, ӕви нӕ, уой туххӕй. Устурдӕр ӕргом раздахиайтӕ хъӕппӕлти худтӕ, ӕфцӕкъуатӕмӕ, гӕбутӕ сӕхе кӕми баримӕхсунцӕ, уӕхӕн рауӕнтӕмӕ.

   

- Ӕркӕсиайтӕ хӕдзайрон цӕрӕгойтӕмӕ, ӕрдзӕмӕ сӕ уӕ хӕццӕ рахонгӕй, кенӕ сӕ гъӕунги тезгъомӕ ракӕнгӕй.

- Бауӕрбӕл ниффедар уогӕ гӕбу иссергӕй, куд тагъддӕр, уотӕ байагоретӕ медицинон ӕнхус поликлиники, кенӕ сӕрмагонд цӕфтӕмӕ кӕсӕн пункти.

 - Ци гӕбу ласт ӕрцӕуа, уой ниввӕретӕ ести бӕрцуати ӕма ӕй радтетӕ ФБУЗ «Центр гигиены и эпидемиологии в РСО - Алания» - мӕ Владикавкази горӕти, Тельмӕни номбӕл гъӕунг 17«а», 101 косӕн уатмӕ.

  Чихтисти Риммӕ, «игон игурӕнтӕй» испайда кæнгæй.