Раластонцӕ хъал горӕтӕй

Сау машинӕй уӕззау зиан.

Нӕ минкъий гъӕу Хӕзнидонӕй,

Цард гъӕуагӕй, фӕгъгъудӕй.

Ци уӕззау нез син ниууагътай

Дӕ мадӕ ма дӕ фидӕн,

Деʹхӕс фелвастай бӕдӕлттӕй,

Нур мах уонӕн ци кӕнӕн?

Цӕрун гъӕуагӕй син, Эллӕ,

Ратагъд кодтай сау сикъитмӕ.

Фӕстӕмӕ ма бӕргӕ кастӕ,

Зӕрдӕдзоргӕй  бӕдӕлттӕмӕ.

Зин уавӕри ду ниууагътай

Дӕ бийнонтӕ ӕмбурдӕй.

Етӕ уӕззау уаргъ хӕссунцӕ,

Сау зӕнхӕмӕ дин кӕсунцӕ.

Дӕ уарзон фидӕ дӕ зинӕй.

Цӕунгъон дӕр нӕбал ӕй.

Зӕрдӕ ма ин ку февардтай,

Цӕмӕй уотӕ фӕссайдтай?

Цӕмӕ уӕхӕн куст  бакодтай

Дӕ еунӕг хуӕрӕ Аллӕн?

Ӕ къохи ин дзоргӕ-дзорун

Дӕ минкъий уод исистай.

Дӕ еунӕг ӕнсувӕр Марат,

Нӕбал еруй йе бунат.

Зин дӕттӕн ӕй мади зӕнӕг,

Нӕ ди уодзӕй арфиаг.

Гӕзӕнти Тамарӕ

Дзоблати Авдрахмани кизгæ Эллæ

28.08.1981 – 01.08.2024.