Чиколай бунæттон хеунаффӕйади администраций косгутӕ бабӕй, сӕ сӕргъи ӕ хецау Гасани - фурти хӕццӕ, ӕнӕуаргӕ хор бонӕй пайда кӕнгӕй, евгъуд къуӕрей, майрӕнбони, бавдистонцӕ радон хъӕппӕрес кӕдзосдзийнади зеумӕ Фадзай - фурти номбӕл гъӕунгмӕ рацӕугӕй.

   Ӕрӕги гъӕубӕл карз уаруни агъоммӕ ци карз думгӕ рагъазта, уой фӕстеугутӕ – бӕлӕсти къалеутӕ, уӕдта къахнӕдтӕ, газонтӕмӕ, ци бугъӕ хаст ӕрцудӕй, етӕ цубур рӕстӕгмӕ кӕдзосгонд ӕрцудӕнцӕ. Бугъӕ ба, уӕзласӕн машийнӕй пайда кӕнгӕй, еци фӕдбӕл ӕрцудӕй ласт.

   Сӕ бакуст нур ӕхцӕуӕндзийнадӕ дӕдтуй цӕстӕн. Уомӕн ба ӕвдесӕн адтӕй абӕлти цӕуӕг адӕми арфӕдзийнадӕ ами косӕг адӕмӕн. Сӕ хъӕппӕрес ӕнӕмӕнгӕ ӕй бафӕнзуйнаг алкӕмӕн дӕр, цӕмӕй нӕ цӕрӕнбунӕттӕ уонцӕ кӕдзос ӕма рӕсугъд, нӕ ӕрдзӕ ба ӕнӕнез. Хуцау си исарази уӕд!

                                                                                          Чихтисти Риммӕ.