Поэти игурæн бони кадæн

 

Алли адæмихатмæ дæр фæууй, æ суйни сæрбæл кæмæй фæххуæцуй, уæхæн минæвæрдтæ. Ном æма ин кадæ етæ искæнунцæ иннæ нацити æхсæн, етæ´й исесунцæ уæлиаудæр культурон къæпхæнмæ, етæ фæуунцæ æ федар буцæутæ, æ астæуцæгиндзæ. Еци хузи æркæсгæй, мах дæр, алайнаг адæм, æнæирисхъæ нæ разиндтан. Ес нæмæ Хетæгкати Къоста æма Малити Георги, æма нин е, Уæрæсей финсгути Цæдеси  иуонг, Цæгат Иристони адæмон поэт, Национ преми "Нарти фæткъу"-й лауреат Бабочити Руслан куд зæгъуй, уотæ барæ дæттуй сæрустур унмæ иннæ адæмти астæу.

    Æ ахадундзийнадæ æй æгæрон. Георгийи поэзий сугъдæг сауæдонæй ка фегъæстæ æй, йе æй некæдбал феронх кæндзæй. Æ алли уадзимис дæр æй шедевр. Малити Георги æй дигорон поэзий болæмæргъæ, кæци низзардта дессаги рæсугъд æмæ аййев гъæлæсæй, æригъосун кодта æхемæ хонхæй - будурæй. Адæмон поэзий уодигъæдæ æнкъардта Малий - фурт æма ин йе фадуат равардта хуæнхаг лæги психологи, æ уоди уæздандзийнадæ, æ зæрди кæдзосдзийнадæ романтикон уæлвонг хуарæнтæй равдесун.

      Малити Георги - æнæбæрцæбæл курдиатгун поэт, прозаик æма драматург, мæгур адæми сæрбæл тохгæнæг, демократ, гуманист æма рохситауæг, райгурдæй 1886 анзи 23 октябри Киристон гъæуи. Æ фидæ Гадо йе´нсувæр Хъасболати хæццæ ралигъдæй будурмæ Моски гъæуæй. Федæни курухон поэт 1902 анзи каст фæцæй Махчески зилди дини скъола. Фулдæр зонундзийнæдтæ райсунмæ бæлгæй, бацудæй Æридони семинармæ, фал си кæронмæ ба не ´сахур кодта. Семинарий  хецауади нихмæ хæлхъойтæ ци ахурдзаутæ исаразта, уони нимæдзи ке адтæй, уомæ гæсгæ цохгонд æрцудæй. Еу къуар анзи фæррахау-бахау кодта Уæрæсей горæтти, удта исæздахтæй Иристонмæ.

Еци рæстæгмæ æ зундирахаст æрфедар æй, куд революцион демократ, уотæ. Куста газзет "Терек"-ки сæрмагонд уацхæссæгæй, ахургæнæгæй. Æ публицистикон уацхъудтæ арæх фæззиниуонцæ Цæгат Кавкази иннæ газетти дæр: "Горская жизнь", "Терские ведомости", "Владикавказский листок", "Хабар" æма æндæрти.  Уонæми поэт архайдта Иристони мæгур æма æфхуæрд дзиллити цард æма уæззау социалон - политикон уавæртæ бавдесунбæл.

       1917 анзи Малити Георги æндæр зундгонд революционерти хæццæ исаразтонцæ Иристони революцион-демократон парти "Кермен", кæцимæн æ разамонæгæй æвзурст æрцудæй Георги. Октябри революци ку фæууæлахез æй, уæд газет "Правда" ниммухур кодта, керменисттæ Ленинмæ ци арфи телеграммæ рарвистонцæ, уой. Æ къох ибæл ниввардта Георги.

       Нæуæг цардарæзт ку ралæудтæй, уæд Малити Георги "Кермен"-и партий номæй æвзурст æрцудæй Владикавкази горæти Думæмæ. Фал фæстагдæр ба æхе исцох кодта партий рæнгъитæй, зæнхи фарстатæ куд лухгонд цудæнцæ, уой хæццæ ке нæ арази кодта, уомæ гæсгæ. Уомæн æма æй æгириддæр нæ фæндæ адтæй, тог никкалуни хузæн æверхъау гъуддаги æ къох ниттола, ейæ. Ниууагъта æ политикæ æма раздахтæй, хумæтæг косæг адæм ци цардæй цардæнцæ, уордæмæ.

      Æ зæрди æрхæнтæ дзæбæх кæнун ниййагайдта æ райгурæн хуæнхбæсти рæсугъддзийнадæй æма е´мтог, е´мæстæг адæми таустæй. Абайти Васо фиццагидæр ку фембалдæй Георгий хæццæ, уæд финста: "На голове у него была простая серая пастушеская войлочная шляпа. Обут был в простые осетинские чувяки". Дигоронау ба хумæтæг цъæх буйнаг ходæ ма салин дзабурти. Геуæрги æ царди дæр, æ поэзий дæр адтæй хумæтæг хуæнхаг лæг æма æ адæми зæрдихатти рæсугъд менеугутæ ирдæй равдиста æ зæрдæлваст лирики.

Бабочити Этери

С Днем народного единства!

Уважаемые жители Ирафского района! Сердечно поздравляю вас с Днем народного единства!

Этот праздник символизируют традиции единения народа для достижения общих целей. Всех нас объединяет стремление добросовестно трудиться, направлять свои силы для дальнейшего развития и процветания. Наша сила в единстве, в сложении усилий. Вместе легче работать, легче находить правильные решения.

Все вместе мы принимаем активное участие во всех значимых мероприятиях в районе, участвуем в социально-экономической, общественно-политической и культурной жизни, тем самым вносим достойный вклад в его развитие.

Поздравляю ветеранов, которые на протяжении многих лет вносили свой огромный вклад в развитие района! Поздравляю тех, кто сегодня работает и трудится на его благо! Поздравляю молодежь, которая имеет счастливую возможность, накапливая знания, приобретая профессиональное мастерство, стать достойными гражданами!

Желаю всем доброго здоровья, мира, семейного счастья и благополучия, успехов в труде на общее благо!

     Глава муниципального образования Ирафский район Казбек Гуцунаев

Уважаемые жители Ирафского района! Сердечно поздравляю вас с Днем народного единства!

Победа народного ополчения под предводительством купца Кузьмы Минина и воеводы Дмитрия Пожарского стала не только ратным подвигом во имя свободы, но и заложила основы будущего великого государства.

Этот день символизирует единение народов России разных национальностей и вероисповеданий. Любовь к Отечеству и стремление граждан принести пользу своей стране и сегодня очень важны для всего нашего общества, которое, несмотря на трудности, идет по пути прогресса и созидания.

Для нашего района этот день особенный. Дружной, крепкой, единой семьей живут жители сел, уважая традиции и обычаи разных народов, своим трудом и славными делами доказывая единство и сплоченность. Пусть это обеспечит мир и спокойствие, будет залогом динамичного развития и процветания района.

Нас всех объединяет Россия, и пусть наша любовь к Отечеству послужит общему благу! Желаю всем в этот светлый, наполненный глубоким смыслом, день жизненного оптимизма, уверенности в своих силах и возможностях, семейного благополучия, большого счастья, добра и мира!

Глава АМС Ирафского района Омар Лагкуев

 

 

        

         Отделение ПФР по РСО-Алания информирует о том, что работает в обычном режиме!

         Приём граждан ведется по предварительной записи. Записаться на приём можно на официальном сайте ПФР es.pfrf.ru и по номерам телефонов: Владикавказ – 51-85-64, Алагир – 3-14-78, Ардон – 3-37-49, Беслан – 3-66-59, Дигора – 9-05-50, Моздок – 3-59-02, Октябрьское – 2-32-19, Чикола – 3-19-94, Эльхотово – 5-01-24.

         Также в клиентских службах установлены ящики для письменных обращений граждан. Если вам необходимо донести какие-либо справки, выписки и т.д. в ПФР, просим оставлять их в данных ящиках с обязательным указанием сведений для обратной связи – Ф.И.О. заявителя, номер СНИЛС, номер телефона.

         Внимание! Доставка пенсий, ежемесячных выплат из средств материнского капитала, выплат одиноким родителям и беременным и т.д. будет осуществлена своевременно!

                   4 ноябрь – Уæрæсей аадæми еудзийнади бон

            

     Уæрæсей медæгæ ес берæ зæрдæбæлдарæн бæндтæ, фал си, гъулæггагæн, еуæй – еуетæ ба баст æнцæ æнкъард, кенæ зин царди хæццæ. Адтæй нæ бæсти уæхæн рæстæгутæ дæр, адæм дузæрдуг кæнун ку райдæдтонцæ, ес ма Уæрæсей паддзахадæ æма уруссаг адæм æви нæ, зæгъгæ. Е ба уомæн, æма нæ бæстæмæ цард-цæрæнбонти дæр адтæй берæ æндагон лæборгутæ, цалинмæ, истори куд зæгъуй, уомæ гæсгæ, Кузьма Минин æма Дмитрий Пожарский (уруссаг мифологий хъайтартæ, польшæйаг интервентти нихмæ исхуæцгутæ) нæ фæссидтæнцæ æррæстæ хумæтæг уруссаг адæнмæ, райгурæн бæстæ багъæуай кæнунмæ æма не ΄скодтонцæ устур арми, кæций фæрци 4 ноябри 1612 анзи Мæскуйæй сурд æрцудæнцæ польшæйаг лæборгутæ. Уæдæй фæстæмæ Уæрæсе райдæдта æ къæхтæбæл лæуун æма ирæзун, хъаурæгиндæр кæнун. Е адтæй уруссаг адæми устурдæр уæлахезтæй еу.

   Уæд берæ адæм сæ уодтæ нивондæн æрхастонцæ сæребари сæрбæлтау. Гъе, уомæ гæсгæ, кæд берæ адæм 400 анзей размæ историй хæццæ зонгæ нæбал æнцæ, уæддæр зæгъун æнгъезуй, æма æхе патриот кадæр хонуй, уонæн ба аци бæрæгбон хъазар æй. 2005 анзæй фæстæмæ ба, Уæрæсей хецауади унаффæрахастмæ гæсгæ, е еугонд æрцудæй 1917 анзи 7 ноябри Социалистон революций фæууæлахези бони хæццæ æма хунд æрцудæй «Еудзийнадæ æма хуæдбарæдзийнади бон». Æ гъуди ба æй уотæ – æрмæст адæми æмхъаурæ æма æмзунддзийнадæ багъæуай кæндзæнæнцæ нæ Фидибæсти сæребарæдзийнадæ.

   Цума куд æй нæ райони цæрæг адæмти цæстингас ба аци бæрæгбонмæ? Аци фарстай фæдбæл мах дæр радзубанди кодтан еу цалдæр алли кари адæймагей хæццæ. Æма мæнæ цæхæн дзуаппитæ райстан. Гъулæггагæн си берети нæ бафæндадтæй сæ нæмттæ ниффинсун, уомæ гæсгæ син æнхæст дæр кæнæн сæ фæндон.

     Тауасити Илинæ, РЦИ - Аланий медицинон академий ординатури рауагъдон, дæндæгути дохтур:

- Нæ бæсти истори ка зонуй, уонæн гъæуама æнæзунд ма уа аци бæрæгбони медис, адæми хъаурæ сæ еудзийнади медæгæ ке æй, райдайæ 1917 анзи Октябри револæцийæй æма фæууо Фидибæсти Устур тугъдæй. Уæдта ма нигкидæр æндæр уæхæн дæнцæгтæ дæр æнгъезуй æрхæссун нæ Уæрæсей историйæй. Фал, цубурæй ба куд фæззæгъунцæ, уотæ - мæн позици æй седун еугур адæнмæ дæр, уæлдайдæр нури фæсевæдмæ, сабурдзийнадæ æма кæрæдзей хæццæ еу зундмæ æрцæундзийнадæй хуæздæр неци ес, нæ цард æнæ буцæутæ æма тугъдтитæй куд уа. Нæ бартæбæл дæр куд дзорæн æма нæ ихæстæ дæр куд лæдæрæн сабур зунди хæццæ.

     Дедегкати Дарья, РЦИ – Аланий Паддзахадон къазнай учреждений, Ирæфи райони гъæууон хæдзарадон управлений специалист:

   - Раст ку зæгъон, уæд мин фиццаг рæстæгути зин балæдæрæн адтæй «День народного единства» цæмæн хунд æрцудæй 2005 анзи 4 ноябрь, е. Берæ хестæр адæмтæ дæр æй нæ лæдæрдтæнцæ, уæдта сæ тоги дæр ниффедар æй 7 ноябри цитгин бæрæгбон æма æййивд ке æрцудæй, е берети зæрдæмæ цæугæ дæр нæ кодта. Æма æй фæстæдæр кæд лæдæрун райдæдтонцæ, уæддæр ма ин æ нисан бæдтунцæ 7 ноябри хæццæ. Æз дæр уони хæццæ, мах фæлтæрæн е хъазар бæрæгбон адтæй алкæддæр, уæдта нин уодзæнæй, кудфæндий æй ку ΄схонæн, уæддæр. Адæмти еудзийнадæ æма сабур цардæй хуæздæр ба, æнæмæнгæ, неци ес зæнхæбæл….

     Гуæцæлти – Легойти Рая, Чиколай афтек «Аспирин – С» провизор:

   - Мæнмæ гæсгæ, 4 ноябрь æй æ райгурæн бæстæ ка уарзуй, æцæг патриот ин ка΄й, уони бæрæгбон. Кæд е Уæрæсей хецауади унаффæрахастмæ гæсгæ еугонд æрцудæй нæ бæсти историй ци агъазгъон дууæ цауи æрцудæй, 1612 анзи 4 ноябри æма 1917 анзи 7 ноябри, уони кадæн, уæддæр æ лозунг, гъома æ гъуди – адæми еудзийнадæ æма хуæдбарæдзийнадæ ба баизадæнцæ æ хурфи. Еци еудзийнади фæрци нæбæл еунæг знаг дæр нæбал фæууæлахез æй хъæбæр рагæй дæр. Æма алке дæр уæд еци бæрæгбони хуарзæнхæ! Ке зæгъун æй гъæуй, абони хъæбæр вазуггин ка иссæй нæ бæсти, еци политики кой дæр нæ кæнгæй æма имæ не ΄вналгæй.

   Дедегкати – Дзансолти Зæлинæ, Ирæфи райони ахуради управлений бухгалтер:

   - Бæрæгбæнттæй, мæнæй уотæ, лæгъуз некæци æй. Уони хæццæ 4 ноябрь дæр. Фиццагидæр нин е нæ зæрди æфтауй Уæрæсей гъæздуг истори – æ адæмихæттитæ (уогæ ба æнцæ еу 180 хузи), сæ хъаурæ æма сæ зунд еу кæнгæй, куд уæлахез кодтонцæ алкæддæр нæ цифуддæр æзнæгтæбæл.

     Дугкагæй – еци бæрæгбони фæрци, 1612 анзи цæхгæр низзилдæй Уæрæсей адæмихæттити цард хуæздæр æрдæмæ. Римæхстаг нæй е, алли бæсти, алли паддзахади дæр ке ес вазуггин гъуддæгтæ. Ес махмæ дæр нæхъæртондзийнæдтæ, исраст кæнуйнаг фарстатæ, фал нæ уæддæр еу ба кæнунцæ нæ еумæйаг цæмæдестæ, уæлахезтæ - науки, спорти, æхсæнадон царди медæгæ. Хуцау зæгъæд æма алкæддæр сабурæй куд хинцæн нæ еугур ресгæ фарстатæ дæр.

   Æ ном зæгъун ке нæ бафæндадтæй:

     - Еудзийнадæ æма хуæдбарæдзийнадæ адæми царди устур бунат ахæссунцæ. 7 ноябрь мæнæн, уæдта мæ бийнонтæн алкæддæр адтæй цитгин бæрæгбон. Æз мæ кари адæймаг дæн, балистæг кодтон мæ фæндзæймаг инсæй анзи. Фæккустон берæ æнзти нæ дессаги Советтон Цæдеси бастдзийнади хаййади. Еци бон, 7 ноябри, ци дессаги арфитæ æма зæрдæлхæнæн дзубандитæ, телеграммитæ æма пъисмотæ æрвистонцæ адæм кæрæдземæ! Цитгингонд æрцæуиуонцæ аллихузон хуæрзеугутæй адæмон хæдзаради алли къабæзти косгутæ, радиойæй, телеуинунадæй, газзеттæ æма журналтæй игъустгонд æрцæуиуонцæ цитгинæй сæ нæмттæ. Æма адæнмæ адтæй турнундзийнадæ нигки устурдæр æнтæститæмæ. Гъулæггагæн, нур еци гъуддæгутæ иронхуати раизадæнцæ. Нæ паддзахади мулкитæ, дæсгай æма дæсгай æнзтæ ке гъæздугдзийнæдтæ фулдæр кæнунбæл фæккустан дусфæлдæхтæй, етæ бахаудтæнцæ еугай адæймæгти къохтæмæ – дехгонд æрцудан гъæздугутæ æма мæгуртæбæл. Ресуй зæрдæ уонæбæл, гъе фал, уæддæр еудзийнадæ æма сабур цардæй хуæздæр неци ес. Æма кæстæртæн æнтæсæд еци бæрæгбон цитгинæй хæссун.

                    Бæрæгбони кадæн адæми цæстингаси туххæй

            æрмæг мухурмæ бацæттæ кодта

                                                                         Чихтисти Р.