Бабочити Руслан,                                                                                                                  Цæгат Иристони адæмон поэт,                                                                                            Национ преми «Нарти фæткъу-й лауреат.    

                

                                                              

(Хъульчити  Æхсарбегæн  æ 75 анзей       юбилеййи  фæдбæл)

                      О, дæ ном дæ хæццæ æй, Æхсарæ,

                      Хуцау дæ уодфедар фæккæнæд!

                      Разиннæд  æведуйгæ  дæ хъарæ,

                      Сослани æндурау ба - дæ фæд!

                      Уотид дохтир нæ, фал цæугæ хонх дæ,

                      Нæлгоймаг нин нæ дæ, фал уæйуг.

                      Æнæнезæй фæддарæ дæ къохтæ,

                      Берæ ма нин  фæллæууæ  урдуг!                       

                                   

                      Цал сæйгемæн бацудтæ агъази,

                      Цалемæн искодтай ни æнцон,

                      Дæ Хуцау ди фæууæд уал аразий,

                      Æрхæссæд дин уал хуарзи фæндон!

                        

                      Цал æхсæви фæдтæ æнæхуссæг,

                      Нæ зонгæй хуцаубонʹ ма сабат,

                      Етæ дин нимадиʹ нцæ, ма тухсæ,

                      Раст, цума, искодтай хъазауат.   

                      Нæ еуетæн сæ къохти, Æхсарæ,

                      Разиннуй адзалхæссæг и кард,

                      Дæуæн ба дæ циргъаг – адзал марæг,

                      Дæргъвæтиндæр гæнæг лæги цард.                                                       

                      Нивгун гъæу куд нæ кæса  æхемæ,

                      Куд нæ уа  Хæзнидон  сæрустур,

                      Уæхæн лæг ка рауагъта  дуйнемæ,

                      Уæхæн лæг кæмæн иссæй æ фурт?!

                                                                        

                                                                                      -2-

                        Æвдай фондз амонуй лæги карæ,

                        Æригон дæр нæ дæ, зæронд дæр,

                        Æрттевуй дæ цæсгомæй  æфсарæ,

                        Машалла-дæ бакаст, дæ конд дæр!

                         Æнæ гегæ æма æнæ ʹзморæ,

                         Зæрдхæлар, цæветтон, Фæлвæра,

                         Æ суйнæбæл хуæцуй ди Дигорæ,

                         Иристон дин кæнуй дæ цæра!

                         Кæд еске, уæд ду дæ къохти даргæ,

                         Æнккæтей кæмæн тавуй æ йʹарт,

                         Мисхъалдæр некæмæй неци даргæй,

                         Ихæсгинæй каʹ рветуй æ цард…          

                                                                                                                                                             2021 анз,19 октябрь