Нӕ кӕстӕртӕй раст фӕндагбӕл

Ка ӕрлӕууй кӕронӕй

Е байрайуй ӕ балцитӕй,

Ӕ цард исуй уарзонӕй.

Раст фӕндагбӕл ка нӕ лӕууй,

Уомӕн ӕ над цубур ӕй.

Зундӕй пайда ка нӕ кӕнуй

Е фӕццӕруй мӕгурӕй.

Кӕстӕр хестӕр ка лӕдӕруй

Цӕрӕн бон ӕй фӕууӕд.

 Хестӕрӕн дӕр аргъ ка кӕнуй

Е нин берӕ фӕццӕрӕд.

Хестӕр нӕмӕ кадгин адтӕй,

Нимад дан ӕй, куд хецау.

Кӕстӕр ба нин адгин адтӕй,

Бийнонтӕн ба сӕ Хуцау.

Нӕ кӕстӕрти цӕрӕн бонбӕл

Финги бадти фӕкковӕн.

Зиани бӕндти, бӕрӕг бӕндти

Арфӕ дӕр син фӕккӕнӕн.

Ку цӕуайтӕ раст фӕндагбӕл

Уодзинайтӕ цӕрун гъон.

Адæми хӕццӕ ку цӕрайтӕ,

Нӕ зелдзинайтӕ мӕгургор.

Хестӕртӕмæ ка игъоса

Нӕ уодзӕнӕй фӕсмойнаг.

Мӕстмарӕн сӕ кадӕр кӕна

Е дин лӕгъуз адӕймаг.

Сакъити Сергей, 2013 анз.