Номерæн

 

Бутути Рафик æма Заремæ бахусгæй дæр уой æнгъæл нæ адтæнцæ, ма сæ бæдолæ Оксана цардмæ, адæми уиндмæ мондагæй бацæудзæй йе ʹносон дуйнемæ 10 анздзудæй. Хæдзари къуми, адæммæ бæлгæй ибæл бæнттæ цудæнцæ, сæхе мæйтæ æма æнзтæй æййевгæй. Ниййергутæ бæргæ тох кодтонцæ, сæ бон куд адтæй, уотæ, сæ сæйгæ бæдолæ хори гъар, æхсидзгон думги цъиртт, уалдзигон фæлмæн уаруни æртæхтæй еппæрд ма уа, уобæл.

   Фал ци загъдæуа æнæхатир мæлæтæн. Æнафони, цардгъæуагæй бацудæй Оксана йе ´носон бунатмæ. Уодхæссæг æ куст бакодта. Æмирæй райзадæнцæ мадæ, фидæ, æ хуæрæ ма æнсувæр, мади мадæ, фиди хуæрæ. Сау хабар фатау рахизтæй сæ зæрдити иннердæмæ. Нуртæккæ уони зæрдитæмæ никкæсæн ку уайдæ, уæд син талингæ æхсæвæй уæлдай нæ ´нцæ. Сæ цард æнæ Оксанæй адæ нæбал кæнуй, сæ зæрди ауиндзæнтæй еу ратудта ниййергутæн.

   Æ мæлæти бони ин æрмæст адæм нæ, фал ма сау къæдзæхтæ дæр цæстисуг кодтонцæ. Ранæхстæр æй Оксана фæццо æма мабал æрцой надбæл. Рæсугъд зæрдæ нæ мæлуй, фæззæгъунцæ, фал дуйней фарнæбæл бафтуйуй. Оксани зæрдæ дæр нæ рамардæй, цирагъдарæй байзадæй муггагмæ.

       Оксанæн, «рохсаг» зæгъунæй уæлдай, нæ боне нецибал æй. Бутути бийнонтæ ба арфæ кæнунцæ, сæ уæззау бони сæ фарсмæ ка æрбалæудтæй хæстæгæй, хеонæй, адæгонæй, синхагæй, уæдта Рафик æма Зареми хуарз æмбæлттæн, сæ рист син ка фæррæуæгдæр кодта, уонæн. Æма игъосун кæнунцæ, Оксанæн æ 40 бони ке уодзæнæй 15 феврали Тотой-фурти номбæл гъæунги 75 хæдзари.

                                                                          Гуæцæлти Альбинæ