Куд нин лæггадæ ккæнунцæ

              

     Берæ рæстæг нæма цæуй, кæдæй гъæуггаг царди медæгæ фæззиндтæй тæксити фирмити лæггæдтæ. Мах райони минкъийдæр гъæути кæми кæд æгирид нæййес, кæми ба еугæйдтæ, уæддæр Чиколай гъæуи ба аци хузи куст бонæй-бонмæ дæр ирæзгæ цæуй. Æма, куд уинæн, уотемæй беретæн иссæй пайдайаг, уомæн æма дзæвгарæ æгуст адæмтæн уони фæрци фæззиндтæй кусти бунæттæ, уæдта нур берети синхонæн, е хеуонæн лихстæ кæнун нæбал гъæуй, ескумæ цæунвæндæ искæнгæй. Бафистай дæ къапекк æма дæ бон æй сауæнгæ устур Мæскуй уæнгæ дæр цæун. Ес фирмити, идард рейсити æ бон хæтун кæмæн æй, уæхæн шофертæ дæр, æд хуæрзрæвдзæ машинттæ.

   Еу цалдæр анзей разæй Чиколай гъæуи дæр игонгонд æрцудæй уæхæн фирмæ - «Такси «Успех», зæгъгæ. Гъæуæн æ «центр» ке хонæн, уоми, растдæр зæгъгæй ба - «Ирæф» тукани фалдзос. Æ сæргълæууæг æй Цæукъати Мæгæмæти фурт Алан – хуæрзæгъдау, лæгигъæдгун лæппо. Аци адæймаг базудта æ алливарс бамбурд кæнун кустуарзон адæм - клиенттæ ке архайдæй фæуунцæ боз, дзурди æгъдауæй, хестæр-кæстæр лæдæрунмæ, клиентмæ багъæуаги фæккæсунмæ, æ кусти ихæсæй фæстæмæ дæр ма, адæймаги хуæздæр менеугутæ кæмæ ес, уæхæнттæ.

    Алан ма клиентти пайдайæн искодта, «купонтæ» ке хонæн, уæхæн мадзал дæр. Алли шофермæ дæр фæууй дæс уæхæн купони, кæцити дæдтунцæ клиенттæн алли ласти фæсте дæр. Дæс купони бамбурд кæнгæй, клиенттæн æ бон фæууй 11-маг хатт лæвар цæун, купонтæ ратгæй шоферæн. Уой уæлæмхасæн ба ма Алан исаразта «рацити» æнхусæй бастдзийнадæ æ косгути хæццæ, цæмæй кусти къулумпидзийнадæ ма уайа, клиентти дзæгъæлти сæ рæстæг исафун ма гъæуа машийнæ хезгæй. Уæдта ма тæгкæ ахсгиагдæр ба е æй, æма аци фирми лæггадæн æ аргъ ке æй тæгкæ минкъийдæр иннæ рауæнти хæццæ рабаргæй – 50 соми Чиколай медæгæ. (Советтони гъæу æма «Чъизи синх» ке хонæн, уордæмæ - 60 соми). Асландæр æнцæ таксий æргътæ райони медæгæ гъæутæмæ дæр. Ес кустуати æрмæст стационарон телефон нæ, фал ма сотовон бастдзийнадæ дæр, цæмæй клиенттæн фадуат уа æнцондæрæй бадзорун фирмæмæ. Куд зонæн, уотемæй æгасемæ нæбал ес хæдзайрон телефонтæ, стационаронмæ сотовонæй дзоргæй ба хуæруй берæ æхца, æма Алан еци гъуддаг дæр ниттергади кодта. Еци фарстатæн ба арæхстгин разамунд дæдтуй диспетчер Бабочити Лидæ. Еудадзуг каст цæуй машинтти рæвдзæдзийнадæ æма санитарон уавæрмæ дæр.

      Аци фирми кусти æгъдау бастауйнаг ке æй, уомæн æнæмæнгæ æвдесæн æй е дæр, æма ардæмæ кустмæ ке цæуй шофертæ фæрсаг гъæутæй – Лескенæй, Дæргъæвсæй æма ма сауæнгæ Дигорай горæтæй дæр. Куст си минут дæр нæ сабур кæнуй.

      Еци еугур уавæртæ ба фадуат дæдтунцæ, адæм си боз цæмæй уонцæ, уомæн. Бæззуй  фирми коллективæн сæ еумæйаг архайд, се ΄гъдау, кæрæдзей хæццæ æнцæ æнгом баст. Кæд «Такси «Успех» дæлиаугомау рауæни æй гъæуи медæгæ, уæддæр син сæ лæггади хуæрзгъæдæдзийнадæ кадæр банкъаруй, е сæ агоруй, сауæнгæ гъæуи идарддæр рауæнтæй, фæрсаг гъæутæй.  «…Æнæнез, зæрдæрохс си уæд алкедæр æма æнæфидбилизæй хæтæнтæ сæ хуæдтолгитæбæл алкæддæр», уæхæн арфитæ арæх фегъосун фенгъезуй адæмæй, сæ еудадзуг клиенттæ ба сæ æййевгæ некæд кæнунцæ. Мах зæрдæ дæр син зæгъуй нигки устурдæр æнтæститæ, сæ нæдтæ лигъз æма рæсугъд, æнæфидбилиз уæнтæ! Æма ма уин, хъазар газеткæсгутæ, аци кустуати телефони номертæ:  3-00-22;

                                                                                                                  8-988-879-00-22;

                                                                   Чихтисти Р.

           Хузисти: фирмæ «Такси «Успех» - и коллектив.