***

 Бафарстонцæ нæ Къолай:

- Ци уарзис фулдæр скъолай?

- Переменæ ´рмæст! - загъта,-

Ма сæ лæугæ фæууагъта.

 ***

 Еу зæронд лæг, дан, бæхмæ исхезун не `сфæразта æма уотæ

бакодта:

- Ехх, æдта мæ рæстæги ци

гъæйтт лæппо адтæн, ци!

Удта æ фæрстæмæ ракастæй,

æма ´й неке фегъосдзæнæй, уой

ку балæдæрттæй, уæд, арф

ниууолæфгæй, загъта:

- Раги дæр неци æма нур дæр!

 

ÆМБЕСÆНДТÆ

Еунæг мехбæл кауæ неке

бийуй.

Кæрцæ æма хæдони астæу

ма лæсæ.

Зæрондæн æ тæрнихæй

сойнæ кæлуй, æ цъухæй ба

- муд.

БАЦЕУ БАЦЕУТÆ

Нæ тугури – цæхæри кæфойнæ.

 (Æстъалутæ арвбæл)

Дæс фуртемæй фондз – фазæнттæ.

 (Æнгулдзитæ)

Нарти Урузмæгбæл – сæдæ

хæдони.

 (Къабуска)

Карк дæлзæнхæ таунæг уадзуй.

 (Картоф)

Бонæй – идзаг, æхсæвæ – ревæд.

 (Къахидарæс)

Еу цæуй, иннæ ба изайуй

 (Дон)

Лæг нæ ̕й, фал дзоруй,

бæласæ нæ ̕й, уотемæй ибæл –

сифтæ, хæдонæ нæ ̕й, уотемæй

ба худ æй.

 (Киунугæ)

Еу лæгæн - дууадæс фурти

(Анз)

Дзоргæ нæ кæнуй, уотемæй ба

зунд амонуй

(Киунугæ)

Арвæй зæлдагæ - зæнхæн цийнагæ

(Хори тунæ)

Еу цæуй, иннæ ба изайуй

(Дор

æма дон)

Нæ гъаст кæнуй, нæ фæллайуй,

Некæд хуæруй мах разæй.

Æноси дæр догъи уайуй,

Æноси дæр мах фарс æй.

(Мадæ)